बाप नावाचा ताप...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

बाप नावाचा ताप

अखेर लेकराच्या बोलण्याचा,
प्रत्यक्ष बापालाच ताप झाला.
लेकराचा पोरकटपणा,
तेव्हा थोडाफार माफ झाला.

जरी आपलीच भाषा आहे,
जरी आपलीच बोली आहे.
तरी बाप नव्हे लोकसेवक,
व्याख्याच उलटी केली आहे.

कुणाचेही आईबाप काढणे,
मुद्दा साधासुधा ठरत नसतो !
काय म्हणायचे होते?काय नाही?
याला काहीच अर्थ उरत नसतो !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8945
वर्ष-25 वे
दैनिक झुंजार नेता
12जून2025