अस्वस्थता...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

अस्वस्थता

कुणाला एकत्रीकरणाची भीती,
कुणाला फाटाफुटीची भीती वाटते आहे
ज्याचा त्याचा फायदा तोटा सांगतो,
कुणाला कशी आणि किती वाटते आहे?

जसे काहीजण जोडायला बघत आहेत,
तसे काहीजण फोडायला बघत आहेत.
ज्यांची वाढली राजकीय अस्वस्थता,
ते तर शेंडाच खुडायला बघत आहेत.

ज्याच्या त्याच्या अस्वस्थतेचे,
राजकीय कारण वेगवेगळे आहे !
अस्वस्थतेला स्वस्थतेचा चेहरा,
याच्यामध्येच सगळेच्या सगळे आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8939
वर्ष-25 वे
दैनिक झुंजार नेता
6 जून2025