गेम प्लॅन....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

गेम प्लॅन

सावात चोर आले,
आमची काही हरकत नाही.
पण चोरात साव गेले,
त्याशिवाय जणू बरकत नाही ?

हल्ली चोरांच्या भोवती,
सावांचाच जास्त पिंगा आहे.
त्यांनी चोरांना सामील व्हावे,
ही तर उलटी गंगा आहे.

चोर आणि सावांनाही,
एकमेकांचे भलतेच प्रेम आहे !
दोघांच्या युतीमध्ये,
तुमचा आमचा गेम आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8946
वर्ष-25 वे
दैनिक झुंजार नेता
13जून2025