फसवी आशा...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

फसवी आशा

महाराष्ट्राच्या भल्यासाठी,
त्यांची म्हणे एकी आहे.
जनतेची खात्री पटली,
ही सगळी फेकाफेकी आहे.

स्वतःच्या भल्यासाठी वेगळे,
स्वतःच्या भल्यासाठी एक आहेत.
त्यांची त्यांनाच खात्री नाही,
आपले इरादे खरच नेक आहेत?

यायचे ते एकत्र येतील,
उगीच आशा लावून बसू नका !
स्वतःच्याच फसवणुकीवर,
दर निवडणुकीला हसू नका !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8942
वर्ष-25 वे
दैनिक झुंजार नेता
9 जून2025