पॉलिटिकल गेम....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-------------------

पॉलिटिकल गेम

सामाजिक विषयांनासुद्धा,

राजकीय टच दिले जातात.

आपापले राजकीय हिशोब,

त्यातून चुकते केले जातात.

कितीतरी उदाहरणे आहेत,

अगदी असेच घडलेले असते.

गाव जले हनुमान बाहर,

राजकारणाचेच पडलेले असते.

भरडणारा भरडला जातो,

पोळणाराही पोळला जातो !

सगळ्यांकडून आलटून पालटून,

पॉलिटिकल गेम खेळला जातो !!

-सूर्यकांत डॊळसे,पाटोदा(बीड)

मोबाईल-9923847269

----------------------------

फेरफटका-8963

वर्ष-25 वे

दैनिक झुंजार नेता

30जून2025