स्टेटसचे टायमिंग...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

स्टेटसचे टायमिंग

कुणाचे स्टेटस जेवढे खोचक,
तेवढेच ते जाचक असतात.
कुणा कुणाचे स्टेटस मात्र,
बरेच काहीसे सूचक असतात.

कुणाचा वेगळीकडे निशाणा,
कुणाचा वेगळीकडे तीर असतो.
कुणाचा स्वभाव उतवळा,
कुणाचा स्वभाव मात्र स्थिर असतो.

राजकीय व्यक्तीचे असेल तर,
स्टेटस नीटपणे जोखावे लागते !
नाहीच जुळून आले टायमिंग तर
सहन करायला शिकावे लागते !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8943
वर्ष-25 वे
दैनिक झुंजार नेता
10 जून2025