अरे देवा !....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

अरे देवा !

निसर्गाची खेळी अशी की,
अगदी होत्याचे नव्हते होऊन गेले.
कुठे देवळं पाण्याखाली,
कुठे कुठे तर देवच वाहून गेले.

ज्याचा केला जातो धावा,
त्याचीच महापुरात धावाधाव आहे.
तो खरंच आहे की नाही?
शंकेला पुन्हा नव्याने वाव आहे.

महापूरग्रस्त माणसांसारखे,
जणू त्यालाही तेवढेच भेव होते !
जे जे आले प्रत्यक्ष मदतीला,
ते ते खरोखरच माणसातले देव होते !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-9051
वर्ष-25 वे
दैनिक झुंजार नेता
30सप्टेंबर2025