सामाजिक अस्थिरता.....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

सामाजिक अस्थिरता

प्रत्येक सत्ताधाऱ्यांना नेहमीच,
समाज स्थिर वाटत असतो.
प्रत्येक विरोधकांना नेहमीच,
समाज अस्थिर वाटत असतो.

स्थिरतेचे आणि अस्थिरतेचे,
ज्याचे त्याचे वेगळे नियम असतात.
विरोधक आणि सत्ताधाऱ्यांचेही,
नियम तर कधीच कायम नसतात.

जेव्हा विरोधक आणि सत्ताधारी,
एकमेकांना भिडल्या जातात !
अधून मधून सामाजिक अस्थिरतेच्या,
पुड्या हमखास सोडल्या जातात !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-9036
वर्ष-25 वे
दैनिक झुंजार नेता
15सप्टेंबर2025