आजची वात्रटिका
----------------------
वादग्रस्त आत्महत्या
कुणी म्हणतो संशयास्पद,
कुणाला वाटते मिथ्या आहेत.
एकापाठोपाठ एक,
वादग्रस्त आत्महत्या आहेत.
संशयास्पद आत्महत्यांच्या,
कहाण्या मोठया करूण आहेत.
आत्महत्यांच्या राजकारणासाठी,
कुणी कुणी बाह्या सारून आहेत.
आत्महत्यांनी प्रश्न वाढतात,
मूळ प्रश्न काही मिटत नाहीत !
आत्महत्या केलेले जीव,
मृत्यूंतरसुद्धा सुटत नाहीत !!
-सूर्यकांत डोळसे,पाटोदा(बीड)
मोबाईल-9923847269
-------------------------
चिमटा-6079
दैनिक पुण्यनगरी
6मार्च2021
No comments:
Post a Comment