काव्य इन्फेक्शन

 

काव्य इन्फेक्शन,आजची वात्रटिका

आजची वात्रटिका

---------------------

काव्य इन्फेक्शन

तू माझा मास्क,

तू माझा पीपीई कीट पण आहे.

मी तुझा सिलेंडर,

तू माझा ऑक्सिजन आहे.

आशा चारोळ्या-बिरोळ्या

आरोळ्या लिहिल्या जात आहेत !

कोरोनाचे दुष्परिणाम असे,

काव्य विश्वावर होत आहेत !!

-सूर्यकांत डोळसे,पाटोदा(बीड)

मोबाईल-9923847269

----------------------------

चिमटा-6133

दैनिक पुण्यनगरी

30एप्रिल2021

 

सॅनिटायझरची नशा

आजची वात्रटिका

---------------------

सॅनिटायझरची नशा

कोरोनाच्या तडाख्यात,

सगळे विचित्र होऊ लागले.

दारू मिळेना म्हणून पेताड,

सॅनिटायझर पिऊ लागले.

सॅनिटायझरचे कॉकटेल,

याला अजिबात तोड नाही!

सॅनिटायझरची नशा चढताच,

जगण्याचाही लोड नाही !!

-सूर्यकांत डोळसे,पाटोदा(बीड)

मोबाईल-9923847269

----------------------------

चिमटा-6132

दैनिक पुण्यनगरी

29एप्रिल2021

 

लसीकरण मोहीम

आजची वात्रटिका

---------------------

लसीकरण मोहीम

मोफतच्या लसीचे वय,

असेच खाली खाली येवो.

कोरोना आहे तोपर्यंत तरी,

शंभर टक्के लसीकरण होवो .

कोरोना गेला,लसीचा डोस दिला,

उद्या अशी म्हणही पडू शकते!

टार्गेट पूर्ण करण्यासाठी,

भविष्यात हेही घडू शकते !!

-सूर्यकांत डोळसे,पाटोदा(बीड)

मोबाईल-9923847269

----------------------------

फेरफटका-7583

दैनिक झुंजार नेता

29एप्रिल2021

 

बॅटचे बोल

आजची वात्रटिका

---------------------

बॅटचे बोल

आउट डोअरचे प्रेक्षक,

कोरोनाने इनडोअर झाले.

प्रेक्षकांशिवाय खेळताना,

मला तर बाई बोअर झाले.

प्रेक्षकांत आणि आपल्यात,

खूप सोशल डिस्टनसिंग आहे !

आऊटडोअरपेक्षा इनडोअरमध्ये,

एक वेगळीच झिंग आहे !!

-सूर्यकांत डोळसे,पाटोदा(बीड)

मोबाईल-9923847269

----------------------------

फेरफटका-7582

दैनिक झुंजार नेता

28एप्रिल2021

 

टीका आणि टिंगल

आजची वात्रटिका

---------------------

टीका आणि टिंगल

टीका-टिप्पणी जरूर व्हावी,

पण टिंगल टवाळी नको.

जीभेत लवचिकता असावी,

पण धारदार अन लव्हाळी नको.

उचला आणि लावा टाळ्याला,

हे सर्वांनी टाळले पाहिजे !

टीका आणि टवाळकी,

यातले अंतर कळले पाहिजे !!

-सूर्यकांत डोळसे,पाटोदा(बीड)

मोबाईल-9923847269

----------------------------

चिमटा-6131

दैनिक पुण्यनगरी

28एप्रिल2021

 

कोर्ट-मार्शल

आजची वात्रटिका

---------------------

कोर्ट-मार्शल

आयोगाने घेतल्या निवडणूका,

त्याला कोरोना दौडून आला.

सगळे बसले प्रचार करीत.

त्यात कोरोना निवडून आला.

आज देशातल्या कोरोनात,

आयोगाचा सिंहाचा वाटा आहे !

म्हणूनच आयोगाच्या माथी,

न्यायालयाचा सोटा आहे !!

-सूर्यकांत डोळसे,पाटोदा(बीड)

मोबाईल-9923847269

----------------------------

फेरफटका-7581

दैनिक झुंजार नेता

27एप्रिल2021

 

घ्या आणि द्या

आजची वात्रटिका

---------------------

घ्या आणि द्या

ऐकून आनंद झाला,

सरसकट मोफत आहे.

मोफतच्या लसीला,

श्रेयवादाची आफत आहे.

अख्खं घ्या,वाटून घ्या,

जसं घ्यायचं तसं घ्या !

वेळेवर आणि सरसकट,

मोफतची लस द्या !!

-सूर्यकांत डोळसे,पाटोदा(बीड)

मोबाईल-9923847269

----------------------------

चिमटा-6130

दैनिक पुण्यनगरी

27एप्रिल2021