गुप्त भेट...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

गुप्त भेट

कुणी लपून गेले काय?
कुणी झोपून गेले काय?
गुप्त भेट सुप्त भेट झाली,
त्यात एवढे झाले काय?

त्यांनाही त्यांचे नाते आहे,
त्यांनाही त्यांचे गोते आहे.
भेटले तर भेटू द्या की,
तुमचे का खालीवर होते आहे?

उगीच वावड्या उठवू नका,
त्यांचा घरगुती वाद आहे !
नसत्या चौकश्या करण्याचा,
तुम्हाला ईडीसारखाच नाद आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8329
दैनिक झुंजार नेता
वर्ष -23वे
14ऑगस्ट 2023