कांदेपुराण...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

कांदेपुराण

नाकाने कांदे सोलणारांना,
कांदा झोंबायाला लागला.
ज्याला जमेल त्याला कांदा,
खिशात कोंबायाला लागला.

कुणाचा बार जबरदस्त,
कुणाचा बार फुसका आहे.
ज्याचा सगळ्यांनाच धसका,
तो कांदा तर नासका आहे.

ज्याला लाटायचे आहे,
त्याला खुशाल श्रेय लाटू द्या !
कुणीतरी आपलं आहे,
शेतकऱ्यांना कधीतरी वाटू द्या !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-835
दैनिक झुंजार नेता
वर्ष -23वे
23ऑगस्ट 2023