गाजर पारखी...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

गाजर पारखी

ताटकळलेल्या आमदारांचा,
मंत्री पदासाठी कालवा आहे.
मंत्री पदाच्या गाजराचा,
उठता बसता हलवा आहे.

तात्कळलेल्या आमदारांची,
अवस्था एक सारखी आहे.
टांगलेले गाजर सांगतेय,
कोण गाजर पारखी आहे?

मंत्री पदाच्या गाजराची,
रोज नव नवी पुंगी आहे !
खात्री तर कुणालाच नाही,
सगळा मामला सांगी-वांगी आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8333
दैनिक झुंजार नेता
वर्ष -23वे
20ऑगस्ट 2023