अस्मितेचे फुगे....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

अस्मितेचे फुगे

अहंकाराची हवा भरून भरून,
बेडकी बरोबर फुगवली जाते.
कुठली तरी अस्मिता,
अगदी अशीच जागवली जाते.

जागवलेल्या अस्मितेला,
मतदानात परावर्तित केले जाते.
आपला फुगा फुटल्याचे,
बेडकीच्याही लक्षात आले जाते.

कुठल्यातरी अस्मितेने,
बेडकी तात्पुरती तापलेली असते!
पुढच्या निवडणुका येईपर्यंत,
बेडकी गाढ झोपलेली असते !!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
चिमटा-6897
दैनिक पुण्यनगरी
वर्ष -19वे
20ऑगस्ट2023