देव देवतांचा संवाद....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

देव देवतांचा संवाद

आधी पोटोबा मग विठोबा म्हणीत,
भक्त आपल्यालाच जोपरू लागले.
स्वतःच्या फायद्यासाठी आपले भक्त,
नको तिथे आपले फोटो वापरू लागले.

स्वार्थासाठी फोटो वापरायची,
ही तर मोठी राजकीय युक्ती आहे.
लोकांना मग थापा मारत राहतात,
ही आमची देवावरची भक्ती आहे.

या विरोधात आपण कोर्टात जाऊ,
जो तो आपल्याला प्रचारून घेतो !
तेवढ्यात एक देव म्हणाला,
दादा..थोडे थांबा...
मी माझ्या काकांना विचारून येतो !!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
चिमटा-6894
दैनिक पुण्यनगरी
वर्ष -19वे
17ऑगस्ट2023