शिवा-शिवीची लपाछपी...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

शिवा-शिवीची लपाछपी

जशी रंका -ररंकात शिवा-शिव आहे,
तशी रावा- रावात शिवा-शिव आहे.
फक्त एवढ्यावरच थांबत नाही तर,
इथे नावा-नावातही शिवा-शिव आहे.

जशी चोरा-चोरात शिवा-शिव आहे,
तशी सावा-सावात शिवा- शिव आहे.
यात तर कुणाचेच दुमत नाही,
इथे गावा- गावातही शिवा-शिव आहे.

जशी क्षेत्र - क्षेत्रात शिवा-शिव आहे,
तशी प्राणीमात्रात शिवा - शिव आहे !
तरीही शिवा-शिवीची लपाछपी चालते,
याचीच सगळ्यात मोठी कीव आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-833
दैनिक झुंजार नेता
वर्ष -23वे
21ऑगस्ट 2023