देशभक्तीचे कंगोरे...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

देशभक्तीचे कंगोरे

कुणा कुणाला देशभक्ती,
खूप सक्तीची वाटते आहे.
कुणा कुणाला देशभक्ती,
खूप युक्तीची वाटते आहे.

कुणाला देशभक्ती दाखवणे,
आपली निकड वाटते आहे.
कुणाला देशभक्ती दाखवणे,
खांद्यावर जोखड वाटते आहे.

कुणाची देशभक्ती मूर्त आहे,
कुणाची देशभक्ती अमूर्त आहे.
जो देशभक्तीचे राजकारण करतो,
तो तर सगळ्यांपेक्षा धूर्त आहे.

प्रत्येकाच्या देशभक्तीला,
आपले वेगवेगळे कंगोरे आहेत !
जो करतो कमी;दाखवतो जास्त,
त्याचे देशभक्तीचे डांगोरे आहेत !!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
चिमटा-6892
दैनिक पुण्यनगरी
वर्ष -19वे
13ऑगस्ट2023