एका टीकेची खंत...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

एका टीकेची खंत

काखेत कळसे आहेत,
गावाला वळसे आहेत.
पाटील, कितीही उगळा;
काळेच कोळसे आहेत.

एका हाती सत्तेचेचा,
सध्याचा तरी काळ नाही,
एवढेही न कळायला,
कुणी कुक्कुले बाळ नाही.

टीका नाही,खंत वाटते;
खुलाशाचा आदर आहे !
मात्र कुणीच विसरू नये,
आपला कोण गॉडफादर आहे ?

-सूर्यकांत डॊळसे,पाटोदा(बीड)
मोबाईल-9923847269
---------------------------------------
चिमटा-6899
दैनिक पुण्यनगरी
वर्ष -19वे
22ऑगस्ट2023