चेकमेट...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

चेकमेट

जसे घरही फिरलेले आहे,
तसे फिरलेले वासे आहेत.
राजकीय पटावरती,
आज उलटे सुलटे फासे आहे.

शहाला काटशह आहेत,
उलट्या सुलट्या चाली आहेत.
तेच झालेत शिकार,
वाटायचे जे सर्वांचे वाली आहेत.

ज्याच्या त्याच्या दाताखाली,
आज ज्याचे त्याचे ओठ आहेत !
आपल्याच प्याद्यांकडून,
आज राजे चेकामेट आहेत !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8338
दैनिक झुंजार नेता
वर्ष -23वे
25ऑगस्ट 2023