काका आणि धोका...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

काका आणि धोका

गल्लीपासून दिल्लीपर्यंत,
पुतण्यांचा भरवसाच उरला नाही.
असा एकही पुतण्या नाही,
जो काकांच्या डोक्यात शिरला नाही.

दिल्लीपासून गल्लीपर्यंत,
पुतण्यांचा एकसारखाच हेका आहे.
आज धर्म संकटात अडकलेला,
प्रत्येकच पुतण्याचा काका आहे.

कधी कधी काकाला पुतण्या,
कधी पुतण्याला काका नडतो आहे !
सत्तेच्या महाभारतामध्ये मात्र,
नात्यागोत्यांचा मुडदा पडतो आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8335
दैनिक झुंजार नेता
वर्ष -23वे
22ऑगस्ट 2023