रिल्स आपल्याला शिकवू लागले...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

रिल्स आपल्याला
शिकवू लागले....

रिल्स आपल्याला शिकवू लागले,
एखाद्याला हसवायचे कसे?
रिल्स आपल्याला शिकवू लागले,
एखाद्याला फसवायचे कसे?

रिल्स आपल्याला शिकवू लागले,
नसलेले भासवायचे कसे ?
उसनवारीच्या प्रतिभेमध्ये,
आपलेच घोडे घुसवायचे कसे?

रिल्स आपल्याला शिकवू लागले,
नेमके बाजारात बसवायचे कसे?
फिल्टर नावाचे जाळे लावून,
मायावी जग भासवायचे कसे?

रिल्स आपल्याला शिकवू लागले,
आयत्या संधीचे सोने करायचे कसे?
लढत रहा,पडत आणि घडत रहा,
प्रतिक्रियांनाही पुरून उरायचे कसे ?

-सूर्यकांत डॊळसे,पाटोदा(बीड)
मोबाईल-9923847269
---------------------------------------
चिमटा-6895
दैनिक पुण्यनगरी
वर्ष -19वे
18ऑगस्ट2023