आघाडीच्या शंका...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

आघाडीच्या शंका

आघाडी करणे सोपे असते,
ती टिकवणे अवघड होत जाते.
रुसवे फुगवे काढता काढता,
सगळ्यांनाच मग जड होत जाते.

तेवढी आघाडी जटिल होते,
जेवढे त्यात घटक पक्ष असतात.
कुणी अहंकार दुखावतोय का?
याबाबत सगळेच दक्ष असतात.

आघाडी कुणाचीही असली तरी,
तिला अविश्वासाचा शाप असतो !
आघाडी कुणाचीही असली तरी,
आघाडील आघाडीचा ताप असतो !!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
चिमटा-6908
दैनिक पुण्यनगरी
वर्ष -19वे
31ऑगस्ट2023