चौकशीचा किडा..... साप्ताहिक वात्रटिका

साप्ताहिक

वात्रटिका 

--------------------------------

चौकशीचा किडा

कुठल्याही चौकशीचा किडा, 

आपल्या प्रत्येकालाच छळू शकतो.

कुठे जळल्या जातात फाईल, 

कुठे ब्लॅक बॉक्सही जळू शकतो. 

कुणी रंगेहात पकडले की, 

हात साफ करून घेतले जातात. 

जिथे जिथे धुऊन घेता येतील,

तिथे तिथे हात धुतले जातात.

चौकशी आणि अहवालांचा, 

त्यामुळेच प्रत्येकाला विट आहे !

नको त्यांच्या हातामध्ये बेड्या,

नको त्याच्या हाती क्लीन चीट आहे !!

-सूर्यकांत डॊळसे,पाटोदा(बीड)

   मोबाईल-9923847269

-----------------------------

साप्ताहिक सरकारनामा 

वात्रटिका - 75

वर्ष- दुसरे 

21फेब्रुवारी 2026