नारीशक्ती वंदन ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

----------------------------

नारीशक्ती वंदन

नाहीतरी नारीशक्तीचे आरक्षण,

नेहमीच पुरुषांना आंदण आहे.

तरीही नव्या आरक्षणासाठी,

तमाम नारीशक्तीला वंदन आहे.

जसे आंदण आहे;वंदन आहे,

तेहतीस टक्क्यांचे बंधन आहे.

कारभाऱ्याकडून कारभारणीला,

अगदी राजरोसपणे चंदन आहे.

बायकोला अंगठा दाखवीत,

नवरा सह्याजीराव झाला आहे !

नाव लोकशाहीचे असले तरी,

नवरेशाहीचाच बोलबाला आहे !!

-सूर्यकांत डॊळसे,पाटोदा(बीड)

मोबाईल-9923847269

----------------------------

फेरफटका-9250

वर्ष-26 वे

दैनिक झुंजार नेता

17 एप्रिल 2026