मुत्सद्देगिरी ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

----------------------------

मुत्सद्देगिरी

अविश्वास आणि धोका तर,

प्रत्येक पावलोपावली आहे.

ज्याच्या त्याच्या जीवावर उठलेली,

ज्याची त्याची सावली आहे.

आपापल्या सावलीचा,

कुणालाच भरोसा राहिला नाही.

एवढा मोठा राजकीय अविश्वास,

राजकारणानेही पाहिला नाही.

अविश्वास आणि दगाबाजीला,

म्हणूनच राजकारण म्हटले जाते!

मुत्सद्देगिरीच्या नावानं चांगभले..

पुन्हा पुन्हा राजकारण रेटले जाते !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-9244

वर्ष-26 वे

दैनिक झुंजार नेता

11 एप्रिल 2026