31 डिसेंबरची विनंती... मराठी वात्रटिका

आजची वात्रटिका
------------------------

31 डिसेंबरची विनंती

माझे पाप कोणते सांगा,
माझ्यावरच सगळा लोड यावा.
सांगा कुणाला वाटत नाही?
शेवटचा दिवस गोड व्हावा.

लास्ट अँड बेस्ट असल्यासारखे,
ढोस ढोस ढोसली जाते.
जुने जाऊन नवे वर्ष आल्यावरच,
खरी किक बसली जाते.

नववर्षाच्या शुभेच्छा असतात,
पियो और पिने दो!
मला निरोप द्यायचा तर द्या,
पण एक जानेवारीला तरी आने दो !!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8136
दैनिक झुंजार नेता
31डिसेंबर2022
 

वर्षांतर... मराठी वात्रटिका

आजची वात्रटिका
----------------------

वर्षांतर

पिल्याशिवाय आणि पाजल्याशिवाय,
जुने जात नाही आणि नवे येत नाही.
बाटली आणि ताटलीशिवाय,
निरोप आणि स्वागतही होत नाही.

निरोप आला आणि स्वागताला,
ग्लास बाटल्यांचा खळखळाट असतो!
ज्यांना निमित्त हवे असते,
त्यांचा तर खरा फळफळाट असतो!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8135
दैनिक झुंजार नेता
30डिसेंबर2022
 

टाईमपास.. मराठी वात्रटिका

आजची वात्रटिका

----------------------

टाईमपास

जो पटकन फोडला जातो,

तो जनतेच्या अपेक्षांचा फुगा आहे.

अधिवेशन कोणतेही असो,

जणू त्यांच्या टाईमपासची जागा आहे.

लोक उघड्या डोळ्यांनी बघतात,

अधिवेशनात काय काय केले जाते!

पावसाळी असो हिवाळी,

अधिवेशन तर एन्जॉय केले जाते.

सभागृहाच्या आत आणि बाहेर,

आपले कलागुण उधळले जातात!

खरे आणि गरमागरम मुद्दे,

गदारोळामध्ये साधळले जातात !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6675

दैनिक पुण्यनगरी

28डिसेंबर2022

 

भक्तांतर आणि रक्तांतर... मराठी वात्रटिका

आजची वात्रटिका
----------------------

भक्तांतर आणि रक्तांतर

पक्षांतर हा शब्द काही,
राजकारणात नवा नाही.
पक्षांतर करूच नये,
असा कुणाचाच दावा नाही.

पक्षांतराच्या पाठोपाठ,
आता भक्तांतर होते आहे.
अंतराने अंतर वाढत गेले,
आता रक्तांतर होते आहे.

चडफड आणि फडफडीशिवाय,
राजकीय पक्षांतर होत नाही!
भक्तांतर होवो वा रक्तांतर,
राजकीय लक्ष्यांतर होत नाही!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6677
दैनिक पुण्यनगरी
30डिसेंबर2022
 

मुद्द्याची गोष्ट... मराठी वात्रटिका

आजची वात्रटिका

----------------------------

मुद्द्याची गोष्ट

कुणाचा गुद्ध्यावरून मुद्दा आहे

कुणाचा मुद्द्यावरून गुद्दा आहे.

सगळेच विसरून जातात,

नेमका आपला काय हुद्दा आहे?

गुद्द्यावरती येता येता,

मुद्दा आणि हुद्दा विसरू नका !

लोकशाहीची बेअब्रू होईल,

एवढे तरी कुणीच घसरू नका !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6676

दैनिक पुण्यनगरी

29डिसेंबर2022

 

बिनडोक.. मराठी वात्रटिका

आजची वात्रटिका

------------------------

बिनडोक

जेंव्हा डोके असणारे लोकही,

बिनडोकपणे वागू लागतात.

तेंव्हा बिनडोक लोकही,

मोठ्या आश्चर्याने बघू लागतात.

बिनडोक लोकांनाही वाटते,

बिनडोकपणा काही शाप नाही!

आपण बिनडोक आहोत,

याच्यात काही पाप नाही !!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

फेरफटका-8133

दैनिक झुंजार नेता

28डिसेंबर2022

 

अल्पमत बहाद्दर... मराठी वात्रटिका

आजची वात्रटिका
----------------------------

अल्पमत बहाद्दर

उठसूठ मतदारांची फसवणूक,
हेच लोकशाहीचे सार झाले.
निवडून दिले कुणाला?
बघा कुणाच्या हाती कारभार आले?

बहुमतातील बाजूला करून,
अल्पमतातील सत्तेचे मालक आहेत!
ज्यांनी बाजूला बसायला पाहिजेत,
तेच आज सत्तेचे चालक आहेत !!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8132
दैनिक झुंजार नेता
27डिसेंबर2022
 

आनंदी आनंद गडे... मराठी वात्रटिका

आजची वात्रटिका
----------------------------

आनंदी आनंद गडे

खाताडाबरोबर पेताडही,
नववर्षाच्या स्वागताला सज्ज आहे.
पेताड म्हणाला खाताडाला,
आता तर इथे आपलेच राज्य आहे.

पेताडाने खाताडाला दिलेला,
इशारा एकदमच सूचक आहे !
त्यांच्या आनंदाचे कारण,
जेवढे उघड तेवढेच खोचक आहे!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6674
दैनिक पुण्यनगरी
27डिसेंबर2022
 

टेस्टर... मराठी वात्रटिका

आजची वात्रटिका
----------------------------

टेस्टर

शेतकऱ्यांपेक्षा नट-नट्यांसाठी,
मीडियाला जास्त पाझर फुटतात.
त्यांना नट- नट्यांच्या आत्महत्या,
जास्तीत जास्त महत्त्वाच्या वाटतात.

आत्महत्या कुणाच्याही असोत,
सगळ्याच चिंताजनक गोष्टी आहेत!
नट नट्यांच्या आत्महत्या मात्र,
चघळायला जास्तच टेस्टी आहेत !!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6673
दैनिक पुण्यनगरी
26डिसेंबर2022
 

सूडाग्नी... मराठी वात्रटिका

आजची वात्रटिका

----------------------------

सूडाग्नी

सूडाग्नीने सूडाग्नी,

धडाधड पेटायला लागले.

सगळेच एकापेक्षा एक,

सूडासूर वाटायला लागले.

शब्दा शब्दात आग आहे,

डोळ्या डोळ्यात आग आहे!

आपल्या राजकीय इतिहासाचा,

वर्तमानाला प्रचंड राग आहे !!

-सूर्यकांत डॊळसे,पाटोदा(बीड)

मोबाईल-9923847269

----------------------------

फेरफटका-8131

दैनिक झुंजार नेता

26डिसेंबर2022

 

वसुलीचा व्यवहार... मराठी वात्रटिका

आजची वात्रटिका
----------------------------

वसुलीचा व्यवहार

ग्रामपंचायत चा हिशोब
जुळता जुळत नाही.
आपले मतदान गेले कुठे?
कुणालाच कळत नाही

कुणी हिशोबाला कच्चे,
कुणी हिशोबाला चोख आहे!
जिथे वाटली गद्दारी,
तिथे वसुली रोखठोक आहे!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8129
दैनिक झुंजार नेता
24डिसेंबर2022
 

राजकीय तडजोड.... मराठी वात्रटिका

आजची वात्रटिका

----------------------------

राजकीय तडजोड

कधी उलट बोलले जात असते

कधी सुलट बोलले जात असते.

राजकीय तडजोडीतूनच

राजकारण फुलले जात असते.

सकारात्मक नकारात्मक,

तडजोरीत दोन्हीही पक्ष आहेत!

एकमेकांच्या राजकीय प्रगतीला,

सगळेच्या सगळे साक्ष आहेत!!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

फेरफटका-8130

दैनिक झुंजार नेता

25डिसेंबर2022

 

निर्लज्ज .... मराठी वात्रटिका

आजची वात्रटिका

----------------------------

निर्लज्ज 

निर्लज्ज हा शब्द वापरणे,

खूप धोक्याचे ठरू शकते.

शब्दाला असंसदीय ठरवून,

तुमचे निलंबनही करू शकते.

निर्लज्ज या शब्दांमध्ये,

तशी वेगवेगळी छटा आहे !

निर्लज्जपणे सांगावे लागते,

त्यात खरा सूडाचा वाटा आहे !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6671

दैनिक पुण्यनगरी

24डिसेंबर2022

 

अधिवेशननामा... मराठी वात्रटिका

आजची वात्रटिका
----------------------------

अधिवेशननामा

लोकशाही अधिकारांना,
लोकशाहीर आयुधांनी मारले जाते.
सभात्याग आणि निलंबनाने,
अधिवेशन वादळी ठरले जाते.

वादळी अधिवेशनामध्ये,
राजकीय वचपे काढले जातात!
आहे ते उरकते घेवून,
अधिवेशनं पार पाडले जातात !!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6672
दैनिक पुण्यनगरी
25डिसेंबर2022
 

फायलींची चौकशी... मराठी वात्रटिका

 

आजची वात्रटिका
----------------------------

फायलींची चौकशी

आरोप प्रत्यारोपाचे खेळ,
अगदी रोजच्या रोज होतात.
मटक्याप्रमाणे फाईलीही,
ओपन आणि क्लोज होतात.

कुणाच्या इज्जतीचा,
चघळून अगदी चिंगम होतो !
सत्ताधारी आणि विरोधकांचा,
इथे एकदम संगम होतो!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6670
दैनिक पुण्यनगरी
23डिसेंबर2022

---------------------------------------
*विशेष सूचना-*
1)माझ्या वात्रटिकात काही आक्षेपार्ह वाटले तर माझ्या मूळ पोस्ट तपासाव्यात किंवा प्रत्यक्ष संपर्क साधून खात्री करा.
२)सदरील वात्रटिकमध्ये काही टायपिंग मिस्टेक असेल तर मला कळवा.
३) वैयक्तिक अभिप्रायाचे स्वागत.
जे वात्रटिका शेअर करत आहेत त्यांचे विशेष आभार.
4) माझ्या प्रसिद्ध असलेल्या 18 हजारांपेक्षा जास्त वात्रटिका 8 हजार पेक्षा जास्त वात्रटिका एका क्लिकवर वाचू शकता
https://suryakantdolase.blogspot.com/?m=1
५) माझ्या बाल वात्रटिका वाचण्यासाठी क्लिक करा
https://balsuryakanti.blogspot.com
६) सर्व काही एकाच ठिकाणी...एकाच ठिकाणी !! अर्थात *सप्ताहिक* *सूर्यकांती* खास मराठी वात्रटिकांसाठी वाहिलेले पाहिले आणि एकमेव साप्ताहिक https://weeklysuryakanti.blogspot.com
7) माझ्या *सूर्यकांती लाईव्ह* किंवा यूट्यूब चॅनलला कृपया भेट द्या...लाईक करा...*सबस्क्राईब* करा !! https://www.youtube.com/user/suryakantdolase
8 )आजपर्यंतचे सर्व वात्रटिका संग्रह डाऊनलोड करण्यासाठी क्लिक करा
https://vatratikaebooks.blogspot.com
९)माझ्या शेकडो कविता वाचण्यासाठी क्लिक करा
https://surykanti.blogspot.com
१०) माझ्या विडंबन कविता वाचण्यासाठी किलक करा
https://suryakanti1.blogspot.com
-सूर्यकांत डोळसे
23डिसेंबर2022

टांगा पलटी... मराठी वात्रटिका

आजची वात्रटिका

-----------------------

टांगा पलटी

हारणाऱ्याला कळेना,

आपण कसे हरलो आहोत?

जिंकणाऱ्याला कळेना,

विजयी कसे ठरलो आहोत?

ग्रामपंचायतच्या निकालाचे,

प्रत्येक गावागावात कोडे आहे!

जसा टांगा झाला पलटी,

तसेच फरार घोडे आहे !!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

फेरफटका-8127

दैनिक झुंजार नेता

22डिसेंबर2022

 

रंगभंग... मराठी वात्रटिका

आजची वात्रटिका
-----------------------

रंगभंग

जशी बिकिनी भगवी आहे,
तशी लंगोटीही भगवी आहे.
नाहीतरी कपड्याच्या आत,
सगळी दुनियाच नागवी आहे.

जी दुनिया रंगीबेरंगी आहे,
तिला उगीच बेरंगी करू नका!
जाती आणि धर्मांच्या चौकटीत,
निष्पाप रंग फ्रेम करू नका !!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6669
दैनिक पुण्यनगरी
22डिसेंबर2022
 

महामोर्चाची साईज... मराठी वात्रटिका

आजची वात्रटिका
-----------------------

महामोर्चाची साईज

महामोर्चाच्या आयोजनासाठी,
प्रत्येकाकडून कंबर कसली गेली.
कुणाकुणाला मोर्चाची साईज,
एकदमच नॅनो दिसली गेली.

महामोर्चाच्या साईजसाठी,
रडीचा सूरही आळवला गेला.
नॅनो पासून कंबरेपर्यंत,
महामोर्चा पुन्हा वळवला गेला.

महामोर्चाच्या उद्देशापेक्षाही,
चर्चेत महामोर्चाची साईज आहे !
महामोर्चापेक्षा त्याची चर्चा,
एकदमच सरप्राईज आहे !!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6668
दैनिक पुण्यनगरी
21डिसेंबर2022
 

उलटी गंगा... मराठी वात्रटिका

आजची वात्रटिका
-----------------------

उलटी गंगा

मागणाऱ्याच्या आणि देणाऱ्याच्या
मूर्खपणामुळे हे झाले आहे.
साम दाम दंड भेद वापरून,
घेतलेले मतदान,
त्याचे याला,याचे त्याला गेले आहे.

जसे कुणी कुणी चुकून जिंकले आहेत,
तसे कुणी कुणी चुकून हरले आहेत!
निकाल स्पष्टपणे सांगतो आहे,
आपल्यांनीच आपल्याला,
खडे चारले आहेत!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8126
दैनिक झुंजार नेता
20डिसेंबर2022
 

उघडा डोळे,ऐका नीट, मराठी वात्रटिका

आजची वात्रटिका
-----------------------

उघडा डोळे,ऐका नीट

उथळ पाण्याला खळखळाट फार,
सगळीकडे असेच होऊ लागले.
विरोधकांबरोबर समर्थकही,
आजकाल अडचणीत येऊ लागले.

असे मात्र मुळीच नाही,
आमचाच अंदाज ठोकळ आहे !
विरोध आणि समर्थन,
सगळेच आजकाल पोकळ आहे!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6667
दैनिक पुण्यनगरी
20डिसेंबर2022
 

भावकीचा भावार्थ.... मराठी वात्रटिका

आजची वात्रटिका
-----------------------

भावकीचा भावार्थ

हे विचारूच नका,
कुणी कुणाला रोखले आहे?
कुणाविरुद्ध कोण?
निडणुकीत उभे ठाकले आहे?

ग्राम पंचायत निवडणुकीत,
पणाला गावची गावकी आहे?
इकडून तिकडून उभी,
भावकी विरुध्द भावकी आहे!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8126
दैनिक झुंजार नेता
18डिसेंबर2022
 

लोकशाही सत्य... मराठी वात्रटिका

आजची वात्रटिका
-----------------------

लोकशाही सत्य

मतदान यंत्राच्या शिट्ट्या ऐकूण,
लोकशाही गालातल्या गालात हसली.
आपली वाताहत,
तिला प्रत्येक गावागावात दिसली.

लोकांना मतदान मागू नका,
मतदान करायला शिकवले पाहिजे!
लोकशाहीचे कर्ज,
मतदान साक्षर होवून चुकवले पाहिजे!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6665
दैनिक पुण्यनगरी
19डिसेंबर2022
 

चित्र विचित्र... मराठी वात्रटिका

आजची वात्रटिका

-----------------------

चित्र विचित्र

गल्लीपासून दिल्लीपर्यंत,

एकच चित्र दिसते आहे.

लोकशाहीच्या मानगुटीवर

ठोकशाही बसते आहे.

लोकसभेच्या उदाहरणाला,

ग्राम पंचायत साक्षी आहे !

ठोकशाहीच्या कमाणीला,

घराणेशाहीची नक्षी आहे !!

-सूर्यकांत डॊळसे,पाटोदा(बीड)

मोबाईल-9923847269,

-----------------------

चिमटा-6664

दैनिक पुण्यनगरी

18डिसेंबर2022

 

बेशरम रंग... मराठी वात्रटिका

आजची वात्रटिका

-----------------------

बेशरम रंग

रंगाचा होतोय बेरंग,

त्याचे कारण खूप डीप आहे.

तथाकथित धर्मरक्षकांची,

एक छुपी सेन्सॉरशिप आहे.

उद्या समांतर सेन्सॉशिपकडे,

सगळेच चित्रपट न्यावे लागतील.

उद्या आपली अंतर्वस्त्रेही,

सेन्सॉर करून घ्यावे लागतील.

नकारात्मक प्रसिद्धीखाली,

मूळ मुद्दा झाकला गेला आहे !

बिकिनीचा नागवेपणा,

बेशरम रंगात माखला गेलाआहे!!

-सूर्यकांत डॊळसे,पाटोदा(बीड)

मोबाईल-9923847269,

-----------------------

चिमटा-6663

दैनिक पुण्यनगरी

17डिसेंबर2022

 

ज्ञान अज्ञान... मराठी वात्रटिका

आजची वात्रटिका

-----------------------

ज्ञान अज्ञान

लोकशाहीची भूल देऊन,

गावच्या गावं भुलवली जातात.

आजकाल गावाच्या बाहेरून,

गावच्या गावं चालवली जातात.

जे कुणी चालक असतात,

तेच खरे गावचे मालक असतात !

ज्यांना हे उघड सत्य समजत नाही,

ते तर अज्ञानी बालक असतात!!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

फेरफटका-8125

दैनिक झुंजार नेता

17डिसेंबर2022