आजची वात्रटिका
----------------------
शिवबाची आण
शिवबा आपली शान आहे,
शिवबा आपला सन्मान आहे.
शिवबा गाऊ,शिवबा होऊ,
तुला शिवबाची आण आहे.
शिवबा स्वराज्याची तान आहे,
शिवबा सद्गुणांची खाण आहे.
एकतरी गुण लावून घे,
तुला शिवबाची आण आहे.
शिवबा ऐतिहासिक ज्ञान आहे,
इतिहासाचे सोनेरी पान आहे.
पाने वाचत रहा,वेचत रहा,
तुला शिवबाची आण आहे.
शिवबा वर्तमानाचे भान आहे,
शिवबा भव्यत्वाची जाण आहे!
शिवबा संकुचित करू नको,
तुला शिवबाची आण आहे !!
-सूर्यकांत डोळसे,पाटोदा(बीड)
मोबाईल-9923847269
----------------------------
चिमटा-6066
दैनिक पुण्यनगरी
19फेब्रुवारी2021
No comments:
Post a Comment