ऑपरेशन फोडाफोडी

आजची वात्रटिका

-----------------------

ऑपरेशन फोडाफोडी

पूर्वी अगदी गुपचूपपणे,

राजकीय फोडाफोडी असायची.

कितीही ताणा-ताणी झाली तरी,

गुपचूप ओढाओढी असायची.

आता राजरोस फोडून नेतात,

आता राजरोस काढून नेतात.

ज्यांची इच्छा नाही त्यांनाही,

खुशाल फरफटत ओढून नेतात.

राजकीय संस्कृतीतला हा बदल,

भयावह आणि भीषण आहे !

कसलीही गुंगवा-गुंगवी नाही,

सरळ राजकीय ऑपरेशन आहे !!

-सूर्यकांत डोळसे,पाटोदा(बीड)

मोबाईल-9923847269

----------------------------------------

चिमटा-6054

दैनिक पुण्यनगरी

7फेब्रुवारी2021