आजची वात्रटिका
---------------------------
धार्मिकतेची मार्केटिंग
धार्मिकतेची झाली मार्केटिंग,
धर्म पोट भरण्याचे साधन आहे.
लोकांच्या भोळ्या धार्मिकतेला,
पुन्हा नवे नवे आधण आहे.
धार्मिकतेला आधण येताच,
आनंदाला उकळ्या फुटू लागतात.
गिऱ्हाईकांची झुंबड पाहून,
आपले नवे दुकान थाटू लागतात.
धार्मिकतेच्या बाजारामध्ये,
नव्या दलालांची नवी गर्दी आहे!
सलामत रहे दोस्ताना हमारा...
धर्माला दलालांची वर्दी आहे !!
-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6595
दैनिक पुण्यनगरी
1 ऑक्टोबर2022
No comments:
Post a Comment