बंडखोरांच्या टोळ्या ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

बंडखोरांच्या टोळ्या

कुणी परत यायला लागले,
कुणी परत जायला लागले.
ज्यांना पक्षात घेणार नव्हते,
त्यांनाच परत घ्यायला लागले.

आपल्यासाठी धक्कादायक,
त्यांना आवक-जावक सोपी आहे.
जाणारे येणारे खुशीत,
निष्ठावंतांची मात्र गळचेपी आहे.

एकूणच काय तर सगळीकडे,
निवडून येणाऱ्यांच्या मोळ्या आहेत !
आघाड्या आणि युत्या म्हणजे,
बंडखोरांच्या टोळ्या आहेत !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-9064
वर्ष-25 वे
दैनिक झुंजार नेता
14ऑक्टोबर2025