आजची वात्रटिका
---------------------
गचाळ सवय
एकजात सगळे वाचाळवीर,
वाट्टेल तसे वाचाळू लागले.
मुद्द्यावरून गुद्द्यावर येता-येता
वाचाळवीर पिचाळू लागले.
जसे वाचाळणे बरे नाही,
तसे पिचाळणेही बरे नाही.
वाचाळांना पक्के ठाऊक असते,
आपले काहीही खरे नाही.
तरीही त्यांना वाचाळावे लागते,
तरीही त्यांना पिचाळावे लागते !
आपल्या राजकीय स्वार्थापोटी,
वातावरण गचाळावे लागते !!
-सूर्यकांत डॊळसे,पाटोदा(बीड)
मोबाईल-9923847269
-----------------------
सूर्यकांती
3मे2022
No comments:
Post a Comment