गटबाजी...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

गटबाजी

कुणी जुन्या गटात आहेत,
कुणी नव्या गटात आहेत.
आपणच खरे असल्याच्या,
सगळेच थाटात आहेत.

आपल्या खरेपणाचे,
पुराव्यावर पुरावे आहेत.
जुन्या आणि नव्या गटात,
दुराव्यावर दुरावे आहेत.

कुणासाठी दरवाजे उघडे,
कुणाचे दरवाजे बंद आहेत !
मांजरीला वाटू लागते,
इथले सगळेच अंध आहेत !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8352
दैनिक झुंजार नेता
वर्ष -23वे
11सप्टेंबर2023