आरक्षणाचे पेच...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

आरक्षणाचे पेच

मुकणारे आरक्षण वेगळे आहे,
टिकणारे आरक्षण वेगळे आहे.
आरक्षणाचे नवे प्रकार पडले,
याच्यामध्येच तर सगळे आहे.

आरक्षणाचा चेंडू तर,
कोर्टा-कोर्टात टोलवला जातो.
आरक्षणाच्या मृगजळामध्ये,
जो मागतो,तो भूलवला जातो.

एका आरक्षणाच्या लढ्यातून,
दुसरे लढे उभे राहू लागतात !
काल एकमेकांना साथ देणारे,
आज पाण्यामध्ये पाहू लागतात !!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
चिमटा-6920
दैनिक पुण्यनगरी
वर्ष -15सप्टेंबर2023