घर देता का घर?...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

घर देता का घर?

मराठी माणसाच्या अस्मितेला,
मुंबईत घरघर लागली आहे.
कुणाकुणाला वाटू शकते,
ही तर अस्मितेची चुगली आहे.

आपण मराठी असल्याची,
मुंबईतच अडचण काहो आहे?
कुणी घर..देता का घर...?
मराठी माणसाचाच टाहो आहे.

थेट मराठी अस्मितेशीच,
हा परप्रांतीयांचा पंगा आहे !
मराठी माणूस मुंबईतच उपरा,
ही तर उलटी गंगा आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8367
दैनिक झुंजार नेता
वर्ष -23वे
30सप्टेंबर2023