दहीहंडी 2023....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

दहीहंडी 2023

कुणी भ्रष्टाचाराची दहीहंडी फोडली,
कुणी निष्ठेची दहीहंडी फोडली होती.
धार्मिक उत्सवात राजकीय गोविंदांची,
सगळीकडेच एक धांदल उडली होती.

वन नेशन,वन इलेक्शनच्या चर्चेत,
जिथे वार्ड,तिथे दहीहंडी फुटत गेली.
आगामी निवडणुकांच्या प्रचाराची,
दाट शंकाही जिथे तिथे चाटत गेली.

प्रो......गोविंदा.... प्रो......
दहीहंडीला राजकीय तडका होता !
डीजेच्या तालाबरोबर दहीहंडीला,
सेलिब्रिटींचाही एकच भडका होता !

-सूर्यकांत डॊळसे,पाटोदा(बीड)
मोबाईल-9923847269
---------------------------------------
चिमटा-6915
दैनिक पुण्यनगरी
वर्ष -8सप्टेंबर2023