कोरोनाची 'फुट'पट्टी

आजची वात्रटिका
--------------------------------------

कोरोनाची 'फुट'पट्टी

कोरोनाचे संकट,
अगदी नेटाने वाढते आहे.
सोशल डिस्टनसिंगचे अंतर,
फुटा-फुटाने वाढते आहे.

आधीच कोरोनामुळे,
पळता भुई थोडी झाली आहे.
सोशल डिस्टनसिंगची मर्यादा,
तेरा फुटावर गेली आहे .

संशोधकांच्या अभ्यासावर,
कोरोनाचा शेरा आहे !
जे पाळीत नाहीत त्यांच्याकडून
अगोदरच तीन-तेरा आहे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5810
दैनिक पुण्यनगरी
27मे2020
-----------------------------
#कोरोना