भक्ती रहस्य...मराठी वात्रटिका

आजची वात्रटिका

------------------------

भक्ती रहस्य

आंधळे असतात, वेंधळे असतात,

भक्त फक्त भक्त असतात.

मेंदूचा वापर करायचाच नाही,

एवढे बिनडोक व सक्त असतात.

ना हम सुधरेंगे,ना बदलेंगे,

असे नाऱ्यावर नारे असतात.

जग कितीही पुढे जावो,

भक्तांचे मात्र उलटे वारे असतात.

व्वा रे वा, वा रे व्वा....अशी,

भक्तांची भक्तांना स्फूर्ती असते !

भक्त मंडळींच्या असुरी आनंदाला,

सामाजिक दुहीत भरती असते !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6323

दैनिक पुण्यनगरी

16नोव्हेंबर2021