अमृतमय नारा... मराठी वात्रटिका

आजची वात्रटिका

---------------------

अमृतमय नारा

काल तहान वेगळी होती,

आज वेगळीच तहान आहे.

स्वातंत्र्याचा सुवर्ण महोत्सव

दणक्यात म्हणाला होता,

मेरा भारत महान आहे.

ट्रक आणि टेम्पोच्या मागे,

सुवर्ण महोत्सवाची साक्ष आहे.

हर घर तिरंगा,

अमृत महोत्सवाचे लक्ष आहे.

फडकू द्या घरोघरी तिरंगा,

तसा तो जगभरही फडकू द्या !

ज्यांना ज्यांना काळीज आहे,

त्यांनी ते देशासाठीही धडक द्या!!

-सूर्यकांत डॊळसे,पाटोदा(बीड)

मोबाईल-9923847269,

-----------------------

चिमटा-6550

दैनिक पुण्यनगरी

5ऑगस्ट2022