घराणेशाही... मराठी वात्रटिका

आजची वात्रटिका

---------------------

घराणेशाही

घराणेशाही रुजली आहे,

घराणेशाही पूजली आहे.

जिकडे बघावे तिकडे,

घराणेशाही माजली आहे.

लोकशाहीच्या नावाखाली,

घराणेशाही लपली जाते.

राजकीय अनिवार्यता म्हणून,

घराणेशाही थापली जाते.

लोकशाहीच्या भक्तांकडून,

लोकशाहीची उपासना आहे !

लोकशाहीच्या आश्रयाने,

घराणेशाहीची जोपासना आहे !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6559

दैनिक पुण्यनगरी

19ऑगस्ट2022