मूर्तिमंत उदाहरण.... मराठी वात्रटिका

आजची वात्रटिका

---------------------

मूर्तिमंत उदाहरण

कधी देवाच्या दारात चोरी आहे,

कधी देवाच्या घरात चोरी आहे.

देवाची भीती न वाटणे,

ही तर चोरांची शिरजोरी आहे.

तेंव्हा देव आणि भक्तही,

अगदी हतबल ठरला जातो.

जेंव्हा देवासारखा देवसुद्धा,

थेट मूर्तीसकट चोरला जातो.

देव जळी आहे,स्थळी आहे,

अगदी काष्ठी आणि पाषाणी आहे!

सगुण आणि निर्गुणतेवरही,

आज चोरट्यांचीच निशाणी आहे !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6569

दैनिक पुण्यनगरी

31ऑगस्ट2022