निवडणूक पूर्व तयारी....मराठी वात्रटिका

आजची वात्रटिका

------------------------

निवडणूक पूर्व तयारी

आया - बाया सजल्या,

म्हातारे-कोतारेही सजले.

जेंव्हा एकदाचे,

निवडणुकांचे बिगुल वाजले.

कुणी करतोय भांगडा,

कुणाचा डिस्को दांडिया आहे.

बाशिंग बांधून बसलेला,

आपला 'यंग इंडिया' आहे.

निवडणुकीत वापरायच्या,

युक्त्यासुद्धा नामी आहेत !

आरक्षणाच्या रक्षणासाठी,

बाया - बापड्या डमी आहेत !!

-सूर्यकांत डॊळसे,पाटोदा(बीड)

मोबाईल-9923847269

------------------------------------

फेरफटका-7788

दैनिक झुंजार नेता

15डिसेंबर2021