सत्तेचे गुणधर्म... मराठी वात्रटिका

आजची वात्रटिका

------------------------

सत्तेचे गुणधर्म

जो वाटतो संयमी,

त्यालाही सत्ता घसरायला लावते.

जो असतो शब्दाला पक्का,

त्यालाही सत्ता विसरायला लावते.

सत्ता साधीसुधी नाही,

सत्ता तर नटरंगी नार आहे.

सत्ता समाधानाने नांदत नाही,

तिचा कुणीतरी यार आहे.

जो सत्तेभोवती नाचतो

त्यालाच सत्ताही नाचवत राहते !

आपले सगळे गुण अवगुण

सत्ता लोकांपर्यंत पोचवत राहते !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6350

दैनिक पुण्यनगरी

13डिसेंबर2021