थंडीचे अनुभव...मराठी वात्रटिका

आजची वात्रटिका

---------------------------

थंडीचे अनुभव

दातावर दात आदळले की,

थंडी जोरात वाजू लागते.

आपल्यावरचे उपाय पाहून,

थंडी जोरात लाजू लागते.

ज्याच्या त्याच्या पेयाचा,

कडू अथवा गोड घोट असतो.

ज्याचे त्याचे उपाय ठरलेले,

जसा ज्यांचा वयोगट असतो.

थंडीच्या अनुभवाचे सुख-दुःख,

तसे सांगण्यासारखे खूप आहे !

प्रत्येकाला वेगळे भावणारे,

कुडकुडत्या थंडीचे रूप आहे !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6359

दैनिक पुण्यनगरी

23डिसेंबर2021