दूध आणि ताक....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-------------------------

दूध आणि ताक

एकदा दूध पोळले की,

ताकही फुंकून प्यावे लागते.

पोळविणारा पोळवून जातो,

दुसऱ्यालाच फुंकून घ्यावे लागते.

ज्याच्याकडून पोळले गेले,

तो ताकास तूरही लागू देत नाही.

तो दुधाची तहान सुद्धा,

तो ताकावरती भागू देत नाही.

त्यामुळे ताकाला जाऊन सुद्धा,

आपलेच भांडे लपवावे लागते !

भेसळीचे दूधसुद्धा,

संधी दिसताच खपवावे लागते !!

-सूर्यकांत डॊळसे,पाटोदा(बीड)

मोबाईल-9923847269

---------------------------

फेरफटका-8291

दैनिक झुंजार नेता

वर्ष -23वे

1जुलै2023