कालचा गोंधळ बरा होता...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

कालचा गोंधळ बरा होता

महाभारत असो वा भारत,
गृहकलह टळलेला नाही.
सगळा मामला कळूनही,
उपाय काही वळलेला नाही.

कधी लवकर;कधी उशिरा,
महाभारत तर रंगले जाते.
तेव्हा नक्की उडतो भडका,
जेव्हा कधी स्वप्न भंगले जाते.

मग गाढवापुढे वाचली गीता,
असेच काहीसे घडले जाते !
कृष्णालाही आपले कृष्णपण,
पुन्हा पुन्हा नडले जाते !!

-सूर्यकांत डॊळसे,पाटोदा(बीड)
मोबाईल-9923847269
------------------------------
फेरफटका-8296
दैनिक झुंजार नेता
वर्ष -23वे
6जुलै जून2023