चांदोमामा आहे साक्षीला...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-------------------------

चांदोमामा आहे साक्षीला...

आपल्या इस्रोच्या शास्त्रज्ञांची,

खूपच अजब करणी आहे.

चांद्रयान 3 ची प्रतिकृती,

थेट बालाजीच्या चरणी आहे.

वैयक्तिक श्रद्धा समजू शकते,

पण हे तर 'नॅशनल मिशन' आहे.

आपल्याच वैज्ञानिक दृष्टिकोनाचे,

वैज्ञानिकांकडूनच शोषण आहे

ना कुणाच्या श्रद्धेला विरोध,

ना कुणाच्या अंधश्रद्धेचा पक्ष आहे !

भारतीय संविधानाच्या अपमानाला,

आपल्या चांदोमामाची साक्ष आहे !!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

दैनिक वात्रटिका

वर्ष -3 रे

15जुलै जून2023