ऑनलाइन भामटे...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-----------------------

ऑनलाइन भामटे

जमेल तसे;जमेल तेव्हा,

गरजवंतांना वेड्यात काढू लागले.

सोशल मीडियाच्या जमान्यात,

ऑनलाइन भामटे वाढू लागले.

ऑनलाइन भामटे एकटे दुकटे नाहीत,

सोबत फॉलोवर्सच्या टोळ्या आहेत.

कुणीही भुलावं ; कुणीही डुलावं,

आशा त्यांच्या ऑनलाइन खेळ्या आहेत.

भामट्यांची भामटेगिरी म्हणजे,

एकमेकांची ऑनलाइन नक्कल आहे !

भामटे ते भामटेच आहेत,

गरजवंतांनाही कुठे अक्कल आहे ?

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-9124

वर्ष-26 वे

दैनिक झुंजार नेता

15 डिसेंबर2025