लोकशाही प्रदर्शन....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

------------------------

लोकशाही प्रदर्शन

लोकशाहीची चालली टिंगल,

लोकशाहीची उघड थट्टा आहे.

लपून छपून काहीच नाही,

लोकशाहीला उघड बट्टा आहे.

जेवढी लोकशाही टिकाऊ,

तेवढीच लोकशाही विकाऊ आहे.

वाढत्या बेबंदशाहीपुढे,

आपली लोकशाही टाकाऊ आहे.

वाढत्या धनदांडगेशाहीकडे,

आपली लोकशाही गहाण आहे !

आपल्या समाधानासाठी म्हणायचे,

आपली लोकशाही महान आहे !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-9112

वर्ष-25 वे

दैनिक झुंजार नेता

3 डिसेंबर2025