Wednesday, February 19, 2020

शिव न्याय

आजची वात्रटिका
----------------------------------------
शिव न्याय
रांझ्याच्या पाटलाच्या औलादी,
आज सर्वत्र माजत आहेत.
कित्येक दुर्दैवी आया-बहिणी,
तेवता तेवता विझत आहेत.
राजांच्या शिवशाहीचा आदर्श,
लोकशाहीने घ्यायला हवा.
झटपट चौकशी करून,
गुन्हेगाराला न्याय द्यायला हवा.
लोकशाहीतही शिवशाहीसारखा,
जबर वचक बसला पाहिजे !
माजलेल्या नरपशूंना
टकमक टोक आणि चौरंगा,
डोळ्यासमोर दिसला पाहिजे !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5720
दैनिक पुण्यनगरी
19फेब्रुवारी 2020

No comments: