मुद्देसूद आढावा.....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-----------------------

मुद्देसूद आढावा

आपल्या जुन्याच तोफा,

पुन्हा नव्याने उडवल्या जातात.

त्याच त्याच जुन्या मुद्द्यांवरती,

नव्या निवडणुका लढवल्या जातात.

किती निवडणुका आल्या गेल्या ?

मुद्दे मात्र अगदी जसेच्या तसे आहेत.

जनतेच्या गळ्याभोवती,

नव्या जाहीरनाम्यांचे फासे आहेत.

जे काही भूतकाळात झाले,

हेच वर्तमानामध्येही पुन्हा होत आहे!

आपले तरी वेगळे काय होणार?

भविष्यही आपला अंदाज घेत आहे !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-9160

वर्ष-26 वे

दैनिक झुंजार नेता

13 जानेवारी 2026